Loftur og Heimir annast sjálfir pökkun og flutning afurða sinna
Athafnamennirnir Loftur lofftlausisson og Heimir Karlsson hafa fest kaup á um 12000 hektörum lands í Namibíu í þeim tilgangi að framleiða og selja mold. "Það er alveg ljóst að hér er um gífurlega stóran markað að ræða", segir Loftur og Heimir bætir við: "Já, við keyptum þetta land fyrir slikk þegar við fréttum að mold er notuð mjög víða í heiminum, m.a. við hverskyns garðyrkju og ræktun ávaxta og grænmetis og svona. Já og svo vex gras líka í mold og hún verður að koma einhversstaðar frá, ekki satt?"
posted by Ingolfur at 11:59 PM

 
Ný tískubylgja ríður nú yfir Bandaríkin og sýnist sitt hverjum. Tískubylgjan hefur fengið nafnið: Líkkistutískan. Fólk kaupir sér líkkistur í hrönnum og notar þær sem húsgögn.
Það er reyndar ekki allt. Þegar líf þessa fólks er svo úti notar það líkkistuna sem það hefur jafnvel haft í stofunni í lengri tíma. Hugmyndin er að fólk geti keypt sér líkkistu þegar það hafi efni á henni en seti ekki mann og annan á hausinn þegar að dauðadegi kemur. Semsagt, dauðans alvara!
posted by Ingolfur at 11:58 PM

 
Kennarar hafa lengi kvartað yfir lágum launum en fáir hafa gert eitthvað í málinu, eins og að fá sér aukavinnu. Kennari í þjálfun í litlum skóla í Bandaríkjunum sætir nú rannsókn vegna aukavinnu sem hún fann sér sem vændiskona.
Lisa Darnell sem er 29 ára var við æfingakennslu í skólanum þegar atvikið uppgötvaðist og rannsakar nú lögreglan málið. "Hún var með heimasíðu til að auglýsa þjónustuna og svaraði tölvupósti og skipulagði þannig vændið," sagði talsmaður lögreglunnar.


posted by Ingolfur at 11:13 PM

 
Oxana Fedorova, rússnesk fegurðardrottning var valin Ungfrú alheimur árið 2002 í San Juan í Puerto Rico á miðvikudaginn var. Hinn 24 stúlka frá St. Petersburg svaraði spurningunni hvað fær þig til að roðna á þennan veg: "Ég roðna alltaf þegar ég segi eitthvað vitlaust."
Fedorova tekur með sér heim 250.000 dollara og uppáskrift uppá námskeið í kvikmyndaskóla í New York og íbúð.

Meðal dómara voru sigurvegari Survivor í Afríku, Ethan Zohn, og leikkonan unga úr Baywatch, Gena Lee Nolin.


posted by Ingolfur at 11:13 PM

 
Matthew Basile fékk ágætis hugmynd fyrir lokaverkefnið í listum. Honum langaði að búa til stuttmynd um bankarán. Eftir að tökum á fyrsta atriðinu lauk fyrir utan banka í Denville á sunnudaginn var voru krakkarnir skyndilega umkringd af lögreglunni.
"Þeir (lögreglan) héldu að þetta væri alvöru. Krakkarnir ollu miklu fjaðrafoki meðal gangandi vegfaranda." Þrír bílar voru sendir á staðinn en þá var ekkert bankarán í gangi eins og sjónvarvottar höfðu sagt heldur stóðu leikarar og tökulið í sígópásu við flóttabílinn.

Fyrstur á staðinn var Bruce McCarter og eftir að hafa fengið að sjá atriðið á spólu ákærði hann drengina fyrir að trufla almannaró og eiga drengirnir að koma fyrir rétt á morgun föstudag. "Þetta var bara heimskulegt," sagði hugmyndasmiðurinn. "Við hugsuðum ekki áður en við framkvæmdum."

posted by Ingolfur at 11:13 PM